Intelligibility of Hahdhunmathee dialect to speakers of standard dialect of the Dhivehi language

Abstract

Mutual intelligibility is one of the criteria that can be used to distinguish a language from a dialect. It helps to determine whether two varieties of a language are from the same or different languages. Hence, using the criterion of mutual intelligibility, this study tested whether Hahdhunmathee (L. Atoll) dialect of Dhivehi Language is intelligible to the speakers of standard dialect of Dhivehi Language. Testing was done in two different functional ways, by reading and by listening. Reading was tested at three different levels; paragraph level, sentence level and at word level. By employing a mixed method, exploratory sequential design and by using purposive sampling technique, 100  participants were selected and data was collected by administering the intelligibility tests. The results of the tests were subjected to descriptive statistical analysis. The findings of the study conclude that Hahdhunmathee dialect of Dhivehi language, to a great extent, is intelligible to the speakers of the standard dialect of Dhivehi language. Implications are then drawn to conduct further research to identify structural linguistic differences between the two dialects.

ދިވެހިބަހުގެ ރަސްމީ ބަހުރުވައިގެ އަހުލުވެރީންނަށް ހައްދުންމަތީ ބަހުރުވަ ދޭހަވޭހެއްޔެވެ؟

ޚުލާޞާ : މި ދިރާސާއަކީ ލާމު އަތޮޅު (ހައްދުންމަތީ) ގައި ވާހަކަދައްކާ ބަހުރުވަ ދިވެހިބަހުގެ ރަސްމީ ބަހުރުވައިގެ އަހުލުވެރީންނަށް ދޭހަވޭތޯ ބެލުމަށް، ބަހެއްތޯ ނުވަތަ ބަހުރުވައެއްތޯ ކަނޑައެޅުމަށް ހެދިފައިވާ ކްރައިޓީރިއާ (މިންގަނޑު)ތަކުގެ ތެރެއިން “މިއުޗުއަލް އިންޓެލިޖިބިލިޓީ” މި މިންގަނޑުގެ އަލީގައި ކޮށްފައިވާ ދިރާސާއެކެވެ. މި ދިރާސާގައި، ދޭހަވޭތޯ ދެ ގޮތަކަށް ވަޒަން ކުރެވުނެވެ. އެއީ ހައްދުންމަތީ ބަހުރުވައިން ލިޔެފައިވާ ލިޔުން ކިޔައި ދޭހަވޭތޯއާއި އަދި ހައްދުންމަތީ ބަހުރުވައިން ދައްކާފައިވާ ވާހަކަ އަޑުއަހައިގެން ދޭހަވޭތޯއެވެ. މިއީ މިކްސްޑް މެތަޑުގެ ތެރެއިން އެކްސްޕްލޯރޭޓަރީ ސީކުއެންޝަލް ޑިޒައިން ބޭނުންކޮށްގެން ކޮށްފައިވާ ދިރާސާއެކެވެ. މި ދިރާސާގައި ޑާޓާ އެއްކުރުމުގެ ދެ މަރުޙަލާއެއް ކުރިޔަށް ގެންދެވުނެވެ. ފުރަތަމަ މަރުޙަލާގައި ސްނޯބޯލް ސާމްޕްލިންގ ބޭނުންކޮށްގެން މީހުން ހޯދައިގެން ރެކޯޑިންތައް ހަދައި، އެ އަޑުއަހައި، ޓްރާންސްކްރައިބް ކޮށް، އެ ލިޔުންތައް ބޭނުންކޮށްގެން ސުވާލު ކަރުދާހެއް ތައްޔާރުކުރެވުނެވެ. އެއަށްފަހު ދެވަނަ މަރުޙަލާގައި މި ސުވާލުކަރުދާސް އިންސްޓްރުމަންޓުގެ ގޮތުގައި ބޭނުންކޮށްގެން، ޕަރޕަސިވްކޮށް ހޮވާލެވުނު، 100 ބައިވެރީން ލައްވާ ދޭހަވޭތޯ ބެލުމަށް ފަންކްޝަނަލް ޓެސްޓެއް ހެއްދުނެވެ. އެއަށްފަހު ބައިވެރީން ފުރިހަމަކުރި ސުވާލުކަރުދާސްތައް ރުބްރިކެއް ބޭނުންކޮށްގެން ފާހަގަކޮށް، ޑިސްކްރިޕްޓިވް ސްޓެޓިސްޓިކްސްގެ އެހީގައި ރަސްމީބަހުރުވައިގެ އަހުލުވެރީންނަށް ހައްދުންމަތީ ބަހުރުވަ ދޭހަވަނީ ކިހައި މިންވަރަކަށްތޯ ބަލައި ނަތީޖާތައް ހޯދުނެވެ. ދިރާސާގެ ހޯދުންތަކުން ފާހަގަކުރެވުނީ، ދިރާސާގައި ބައިވެރިވި ރަސްމީބަހުރުވައިގެ އަހުލުވެރީންގެ ތެރެއިން ގިނަ ބައިވެރީންނަށް ހައްދުންމަތީ ބަހުރުވައިން ލިޔެފައިވާ ލިޔުމާއި އަދި ދައްކާފައިވާ ވާހަކައިގެ ބޮޑުބައި ދޭހަވާކަމަށެވެ. ނަމަވެސް މިއީ، މި ދިރާސާގައި ބައިވެރިވި 100 ބައިވެރީންނަށް ދޭހަވީ މިންވަރެވެ. މިކަން ބޮޑަށް ކަށަވަރު ކުރުމަށް ޓަކައި، މިއަށް ވުރެ ގިނަ ބައިވެރީން ބޭނުންކޮށްގެން، އިތުރު ދިރާސާތައް ހެދުމަކީ މުހިންމުކަމެކެވެ. އަދި ދިވެހިބަހުގެ އެހެން ބަހުރުވަތަކަށް ވެސް މުސްތަޤުބަލުގައި މިފަދަ ދިރާސާތައް ކުރުމަކީ މުހިންމު ކަމެއްކަމުގައި ދެކެމެވެ.