Punishment of the accused from a shariah’ perspective

Abstract

The objective of this research is to facilitate to determine in light of literature of Shariah if standards of investigation are upheld, if any standards established in Maldives for investigation conform to Shariah, and because some accused are regular offenders it may be difficult to investigate a case without a punishment, to determine what type of punishment should be given to the accused to prove the case being investigated. The methodology used is an inductive, analytical and critical review of literature. A human being is presumed innocent and cannot be punished unless evidence of a crime exists against them, in a situation where the right of a person cannot be protected otherwise because the accused would not plead guilty despite the existence of evidence of their crime. Physical punishment must be restricted to the minimum and may be differentiated between muslims and non-muslims.

ތަޙުޤީޤުކުރާ މައްސަލައިގެ ޙައްޤު ދެނެގަތުމަށްޓަކައި ތުހުމަތުކުރެވިފައިވާ މީހާއަށް އަދަބުދިނުން ޝަރުއީ ނަޡަރަކުން

ޚުލާޞާ: މިދިރާސާގެ މަޤުޞަދަކީ މައްސަލަތައް ތަޙްޤީޤުކުރާއިރު ޝަރީޢަތުގެ ނައްޞުތަކުގެ އަލީގައި ތަޙުޤީޤުކުރެވޭ މިންގަޑު ހިފެހެއްޓިފައިވޭތޯ ބެލުމަށް މަގުފަހިކޮށްދިނުމާއި ތަހްޤީޤުކުރުމަށް ދިވެހިރާއްޖޭގައި މިކަމަށް އުޞޫލުތަކެއް ހެދިފައިވާނަމަ އެއުޞޫލުތައް ޝަރީޢަތުގެ މިންގަޑަށް ފެތޭތޯ ބެލުމަށް މަގުފަހިކޮށްދިނުމާއި ބައެއް މުއްތަހަމުންނަކީ އާދަކޮށް ޖުރުމްކުރާބަޔަކަށްވުމުން އަދަބެއްނުދީ މައްސަލަ ތަޙްޤީޤުކުރަން ދަތިވާތީވެ ތަޙުޤީޤުކުރެވޭ މައްސަލަ ޘާބިތުކުރުމަށްޓަކައި މުއްތަހަމުއަށް ދެވޭނީ ކޮންވައްތަރެއްގެ އަދަބެއްކަން ނައްޞުތަކުގެއަލީގައި ބަޔާންކުރުމެވެ. އެއީ ޝަރީޢަތުގެ ނައްޞުތަކާ ޚިލާފުވުމުން ރައްކާތެރިވުމަށްޓަކައެވެ. އަލްއިސްތިޤުރާއީއާއި އައްތަޙުލީލީ އަދި އައްނަޤުދީއެވެ. (އެބަހީ މިމައްސަލާގައި އިސްލާމީ ޝަރީޢަތުގައި އައިސްފައިވާ ނައްޞުތަކާއި ޢިލްމުވެރިންގެ ބަސްފުޅުތައް ދިރާސާކޮށް އެބަސްފުޅުތަކަށް ކުރިޓިސައިޒްކޮށް އެއިގެތެރެއިން އެންމެ ރަނގަޅު ބައި ފާހަގަކުރުމެވެ. އެއީ މިމައްސަލާގައި އައިސްފައިހުރި ނައްޞުތަކަށް ބަލާއިރު ދެގޮތައް ނައްޞުތައް ވާރިދުވެފައިވާއިރު ޢިލްމުވެރިންގެ ބަސްފުޅުތައްވެސް ބައެއް ނައްޞުތަކާ ފުށުއަރާހެން ހީވާފަދަ ގޮތަކަށް އައިސްފައިވާތީއެވެ). އަޞްލަކީ ކޮންމެ އިންސާނަކީވެސް ހުރިހާކަމަކުން ބަރީޢުވެގެންވާ މީހަކު ކަމަށްވީ ހިނދު އެއަޞްލާޚިލާފަށް ދަލީލެއް ލިބިފައިނުވާއިރު އަޞްލަކީ އެއްވެސް އަދަބެއް ނުދެވޭނެކަމެވެ. މިގޮތައް އަދަބުދެވެނީ ބައެއްގެ ޙައްޤުތައް ރައްކާތެރިކުރެވޭނެ އެހެން ދެވަނަގޮތެއް ނެތީމައެވެ. އެއީ މިއަދަބު މިދެވެނީ ޘާބިތުވެފައިނުވާ ކަމެއްކަމުގައި ވިޔަސް އެޖުރުމް ކުރިކަމުގެ ޤަރީނާތަކެއް ހުރުމުގެސަބަބުން މުއްތަހަމު އެކަމަށް އިޢުތިރާފު ނުވުމުގެ ސަބަބުން ބައެއްގެ ޙައްޤުތަކެއް ގެއްލޭތީވެ ޙައްޤުތައް ރައްކާތެރި ކުރުމަށެވެ. މައްސަލަތަޙުޤީޤު ކުރާއިރު މުއްތަހަމުއަކީ މުސްލިމެއްކަމުގައިވާނަމަ ޖިސްމާނީ އަދަބުދިނުން ހުއްދައެއް ނުވާނެއެވެ.